ਤੇਲ ਕੀਮਤਾਂ ਵਧਣ ਨਾਲ ਮਾਲ ਭਾੜਾ 15 ਫੀਸਦੀ ਵਧਿਆ ਅਤੇ ਖਾਣ ਪੀਣ ਦਾ ਸਮਾਨ ਵੀ ਹੋ ਸਕਦਾ ਹੈ ਮਹਿੰਗਾ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਭਾਰਤ ਵਿਚ ਡੀਜ਼ਲ ਮਹਿੰਗਾ ਹੋਣ ਨਾਲ ਟਰਾਂਸਪੋਰਟਰਾਂ ਨੇ ਆਪਣੇ ਟਰੱਕ ਖੜ੍ਹੇ ਕਰਨੇ ਸ਼ੁਰੂ ਕਰ ਦਿੱਤੇ ਹਨ।
ਹਾਲਾਤ ਇਹ ਹਨ ਕਿ ਦੇਸ਼ ਭਰ ਵਿਚ ਮੌਜੂਦ 95 ਲੱਖ ਟਰੱਕਾਂ ਵਿਚੋਂ ਕਰੀਬ 20 ਫੀਸਦੀ, ਯਾਨੀ 19 ਲੱਖ ਟਰੱਕ ਸੜਕਾਂ ਤੋਂ ਹਟ ਗਏ ਹਨ।
ਇਹ ਦਾਅਵਾ ਅੰਗਰੇਜ਼ੀ ਦੀ ਇਕ ਅਖਬਾਰ ਵਲੋਂ ਕੀਤਾ ਗਿਆ ਹੈ। ਰਿਪੋਰਟ ਦੇ ਮੁਤਾਬਕ ਡੀਜ਼ਲ ਦੀ ਕਮੀ ਅਤੇ ਉਚੀਆਂ ਕੀਮਤਾਂ ਕਰਕੇ ਟਰਾਂਸਪੋਰਟ ਕੰਪਨੀਆਂ ਨੇ ਮਾਲ-ਭਾੜਾ ਵੀ ਵਧਾ ਦਿੱਤਾ ਹੈ ਅਤੇ ਭਾੜੇ ਵਿਚ 10 ਤੋਂ 15 ਫੀਸਦੀ ਵਾਧਾ ਹੋ ਗਿਆ ਹੈ।
ਇਸ ਨਾਲ ਆਮ ਜਨਤਾ ਦੀ ਜੇਬ੍ਹ ’ਤੇ ਵੀ ਅਸਰ ਪਵੇਗਾ, ਕਿਉਂਕਿ ਆਉਣ ਵਾਲੇ ਦਿਨਾਂ ਵਿਚ ਫਲ, ਸਬਜ਼ੀਆਂ ਅਤੇ ਰਾਸ਼ਨ ਦੀਆਂ ਕੀਮਤਾਂ ਹੋਰ ਵਧ ਸਕਦੀਆਂ ਹਨ।
